sulamite

Fault il que

je suive aultre maistre

S'il m'a

le pain vif ordonné.

Fault il

du pain de mort

repaistre ?

S'il me veult

sauver par

sa dextre

Fault il

en mon bras me fier ?

S'il est

mon salut et mon estre

Point n'en fault

d'aultre édifier.

S'il est

mon seul et sûr espoir  

Fault il

avoir autre espérance ?

S'il est ma force et

mon pouvoir,

Fault il

prandre ailleurs assurance ?

Et s'il est

ma perseverance,

Fault il louer

ma fermeté et pour une belle apparence
Faut il laisser

la sureté ?

Si ma vie

est en Jesus-Christ 

La fault il

croire en ceste cendre ?

S'il m'a donné

son saint escript

Faut-il d'aultre doctrine

prendre ?

Si tel maistre

me daigne apprendre

Faut il à autre

escolle aller ?

S'il me fait

son vouloir entendre,
Faut il par crainte

le celer ?

Si Dieu

me donne son enfant,
Fault il craindre à

l'appeler Père ?

Si le monde

me le défend
Faut il qu'à son mal

j' obtempere ?

Si son esprit

en moy opere
Faut il son ouvraige

estimer ?

Non mais Dieu

qui partout impere,
Fault en tout veoir

craindre et

aimer.